Sian shahridagi Tan sulolasi bog‘ida Markaziy Osiyo—Xitoy birinchi sammitida ishtirok etayotgan davlatlar rahbarlarini rasman kutib olish marosimi bo‘lib o‘tdi. Shavkat Mirziyoyev va rafiqasini Si Szinpin va rafiqasi tantanali kutib oldi.
![](/static/2023-05-18 20.40.26.jpg)
Marosimda Qozog‘iston Respublikasi prezidenti Qosim-Jo‘mart Toqayev, Qirg‘iziston Respublikasi prezidenti Sadir Japarov va rafiqasi, Tojikiston Respublikasi prezidenti Emomali Rahmon va Turkmaniston prezidenti Serdar Berdimuhamedov ham ishtirok etdi.
![](/static/2023-05-18 20.40.23.jpg)
![](/static/2023-05-18 20.40.33.jpg)
Birgalikda suratga tushildi. Oliy martabali mehmonlarga saroy oldidagi maydonda Xitoyning boy tarixi va madaniyatini o‘zida aks ettirgan yorqin sahnalashtirilgan chiqishlar va konsert dasturi namoyish etildi. Sammitning asosiy tadbirlari ertaga, 19-may kuni bo‘lib o‘tadi.