Odri Xepbyornning 1961-yilda suratga olingan “Tiffanidagi nonushta” kinokartinasida kiygan pushti libosi Julien’s Auctions va Turner Classic Movies tomonidan auksionga qo‘yildi.
![](/static/nasiba/photo_2023-08-10_11-06-25.jpg)
Auksionda hammasi bo‘lib 1400 dan ortiq Gollivud moda yodgorliklari sotiladi. Masalan, unda “Yulduzlar jangi”, “O‘zga sayyoralik”, “Temir odam” va boshqa filmlardagi rekvizitlar sotuvga qo‘yilgan.
![](/static/nasiba/photo_2023-08-10_11-06-11.jpg)
Auksionda malika Diananing bir nechta oqshom liboslari ham namoyish etiladi. Ushbu mashhur libos, shuningdek, malika Diananing liboslari sotiladigan auksion 2023-yilning sentabr oyida bo‘lib o‘tadi.
![](/static/nasiba/photo_2023-08-10_11-06-22.jpg)
Biroq auksiondagi eng mashhur narsa — Xepbyorn kiygan libos bo‘ladi, chunki u jamoatchilikda katta qiziqish uyg‘otgan.
Yuber De Jivanshi bu libosni shoyi atlas va organza matosidan o‘zining ilhom parisi Odri Xepbyorn uchun yaratgan. U zarlar, munchoqlar va tillarang applikatsiyalar bilan bezatilgan.
![](/static/nasiba/photo_2023-08-10_11-06-23.jpg)
Uning narxi 100 000 dollardan 400 000 dollargacha bo‘lishi kutilmoqda.
Izoh (0)