O‘zbekistonda qonunga xilof tarzda “Diniy jamoat” tuzib, javobgarlikdan qo‘rqib xorijga chiqib ketgan erkak qidirilmoqda. Bu haqda poytaxt IIBB axborot xizmati xabar berdi.
![](/static/Taqdirlov/lk.jpg)
Maʼlum qilinishicha, S.D. 1966-yilda Toshkent shahrida tug‘ilgan. Islom davlati xalqaro terrorchilik tashkiloti aʼzosi. U 2007-yildan boshlab qonunga xilof ravishda jamoat birlashmalari va diniy tashkilotlarini tuzib, ularning faoliyatida faol ishtirok etib kelgan. 2010-yilda jamoat aʼzolaridan bir guruhi qo‘lga olinganidan so‘ng S.D. javobgarlikdan qo‘rqib, Rossiyaga qochib ketgan. 2013-yilga kelib Turkiya orqali Suriyaga borib, Islom davlati xalqaro terrorchilik tashkiloti saflariga qo‘shilgan.
S.D.ga nisbatan Jinoyat kodeksining 244-moddasi bilan jinoyat ishi qo‘zg‘atilib, qidiruv eʼlon qilingan.
Izoh (0)