Namanganda qish arafasida anjir pishib yetildi. Bu haqda “Daryo” muxbiri Azizbek Abduvaliyev xabar bermoqda.
![](https://daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2023-11-24_22-31-48.jpg?_t=1701349882)
Uchqo‘rg‘on tumanidagi “Do‘stlik” mahallasida yashovchi Marhabatxon Jabborovaning xonadonida 10 tup anjir bor edi. Yil boshida ularni sovuq urib, qurib qoldi.
![](https://daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2023-11-24_22-31-49.jpg?_t=1701349882)
“Shu anjirlarimning tagidan chiqqan ko‘chatlar kuzga kelib meva tugdi. Hozir, noyabr oyining oxirida esa pishib yetildi. O‘zimizning bola-chaqa, nevaralar, qo‘ni-qo‘shnilar mazza qilib yeyishyapti. Bunaqasini endi ko‘rishim, odatda anjirlarim yozda mevaga kirardi”, — deydi Marhabatxon aya.
![](https://daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2023-11-24_22-32-02.jpg?_t=1701349882)
Jabborovlar xonadoni mahallada ilgari o‘z ismaloqlari bilan mashhur edi. Endi qish arafasida hosil bergan anjirlari bilan ham tanildi.
![](https://daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2023-11-24_22-32-05.jpg?_t=1701349882)
Izoh (0)