Toshkentda 38 yoshli ayol o‘zini metro relsiga tashladi (video)

Toshkent metropolitenining “Alisher Navoiy” bekatida 28-dekabr kuni soat 21:23 da 38 yoshli ayol o‘zini yaqinlashib kelayotgan poyezd ostiga tashlash maqsadida ataylab poyezd yo‘liga yotib oldi. Bu haqda ijtimoiy tarmoqlarda tarqalgan videoga javoban metropoliten ma’muriyati xabar berdi.

Metropoliten xodimlari va metro xavfsizlik bo‘limining tezkor harakatlari natijasida baxtsiz hodisaning oldi olingan. Ayol jiddiy jarohatlarsiz platformaga olib chiqilgan.

Qayd etilishicha, ayol kuchli tushkunlik holatida bo‘lgan va o‘zining nojo‘ya harakatini affekt holatida bo‘lganda sodir etgan.

Ayni paytda ushbu holat bo‘yicha tergov ishlari olib borilmoqda.