Farg‘onada fuqaroni Janubiy Koreyaga ishga jo‘natish uchun 10 ming dollar olgan shaxs ushlandi

Farg‘onada Janubiy Koreyaga ishga jo‘natishini aytib fuqaroning pullarini aldov yo‘li bilan qo‘lga kiritgan shaxsga jinoyat ishi qo‘zg‘atildi. Bu haqda “Daryo”ga viloyat Ichki ishlar boshqarmasi ma’lum qildi.

Qayd etilishicha, Farg‘ona shahrida yashovchi S.D. ismli shaxs fuqaro Y.B.ning ishonchiga kirib, tanishlari orqali Janubiy Koreyaga ishga jo‘natishini aytgan. Evaziga 10 ming dollar pulni firibgarlik yo‘li bilan qo‘lga kiritib, o‘z ehtiyojiga sarflab yuborgan.

Mazkur holat yuzasidan Farg‘ona shahar IIO FMB huzuridagi tergov bo‘limi tomonidan Jinoyat kodeksining 168-moddasi (firibgarlik) 3-qismi “a” bandi bilan jinoyat ishi qo‘zg‘atilgan.