Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Andijonda AT “Xalq banki” sobiq xodimlari 111 million so‘mni o‘zlashtirgani aniqlandi. Bu haqda Bosh prokuratura huzuridagi departament xabar berdi.
Departamentning Buloqboshi tumani bo‘limi tomonidan o‘tkazilgan tergovga qadar tekshiruvda AT “Xalq banki” Buloqboshi filiali kassiri hamda buxgalter nazoratchisi vazifalarida ishlagan I.M. va SH.SH. 16—25-iyul kunlari o‘zlariga biriktirilgan 3 ta bankomatga naqd pullarni joylashtirish vaqtida jami 111 million so‘mni o‘zlashtirgani aniqlangan.
Tekshiruv davomida yetkazilgan zararning to‘liq qoplanishi ta’minlangan.
Qayd etilishicha, mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Qashqadaryoda bank xodimlari 150 nafar fuqaroning pensiya va nafaqa pullarini talon-toroj qilgani aniqlandi
- Sirdaryoda o‘zgalar nomiga 1,2 mlrd so‘m kredit rasmiylashtirgan sobiq bank xodimlariga jinoyat ishi ochildi
