Farg‘onada fuqaroni Janubiy Koreyaga ishga jo‘natish uchun 7 ming 550 dollar olgan shaxs ushlandi

Farg‘onada Janubiy Koreyaga ishga jo‘natishini aytib fuqaroning pullarini aldov yo‘li bilan qo‘lga kiritgan shaxsga jinoyat ishi qo‘zg‘atildi. Bu haqda “Daryo”ga viloyat Ichki ishlar boshqarmasi axborot xizmati ma’lum qildi.

Qayd etilishicha, Farg‘ona tumanida yashovchi N.D. ismli shaxs joriy yilning fevral-mart oylarida mahalladoshi Sh.I.ning ishonchiga kirib, farzandini tanishlari orqali Janubiy Koreyaga ishga jo‘natishini aytgan. Evaziga 7 ming 550 dollar pulni firibgarlik yo‘li bilan qo‘lga kiritib, o‘z ehtiyojiga sarflab yuborgan.

Mazkur holat yuzasidan Farg‘ona tumani IIB huzuridagi tergov bo‘limi tomonidan Jinoyat kodeksining 168-moddasi (firibgarlik) 2-qismi “a” bandi bilan jinoyat ishi qo‘zg‘atilgan.