Tailandda sobiq politsiyachi 22 nafar bog‘cha tarbiyalanuvchisini pichoqladi
Tailandning shimoli-sharqidagi “Uthai Savan” bolalar bog‘chasida 2-5 yoshgacha bo‘lgan 24 nafar tarbiyalanuvchiga sobiq politsiya xodimi ayovsiz hujum qilgan.
Pichoq va miltiq bilan qurollangan sobiq politsiyachi bog‘chaga bostirib kirgan, navbatchi xodim uni to‘xtatishga ulgurmagan. Sobiq serjant bolalar uxlayotgan xona eshigiga o‘q uzgan va ulardan 22 nafarini pichoqlab, o‘ldirgan.
Halok bo‘lganlar orasida egizak o‘g‘il bolalar — Vorapat va Virapol Nuadxao ham bor, ular to‘rt yoshga to‘lishlariga bir oy qolgan edi.
“Bolalar bog‘chasi yaqin atrofdagi qishloqlardagi oilalar uchun ishonchli joy bo‘lib, har kuni 90 ga yaqin bola qatnaydi”, — deydi qo‘shni ofisda ishlaydigan rasmiy munitsipal Jidapa Bunsom.Ota-onalar bolalarni ertalab soat 08:00 da o‘qish, rasm chizish va o‘yin vaqti kabi o‘quv mashg‘ulotlar olib boriladigan bog‘chaga eltib qo‘yishadi. Tushlikdan so‘ng bolalar uxlashadi, so‘ng tarbiyalanuvchilar yuvintiriladi va 14:30 dan keyin olib ketishga tayyor bo‘lishardi.
Hujum bo‘lgan kuni kuchli yomg‘ir yog‘gan, shuning uchun bog‘chada bolalar odatdagidan ko‘ra kamroq edi. O‘sha kuni kelganlardan faqat ikkitasi tirik qolgan.
Mahalliy televideniyening xabar berishicha, tirik qolganlardan biri Honey ismli qiz xonaning eng chekkasida adyol bilan o‘ralgan holda uxlab yotgan.
Sobiq politsiyachi — 34 yoshli Panya Khamrap Janubi-Sharqiy Osiyoni larzaga keltirgan qirg‘inda o‘zini o‘ldirishdan oldin uyida xotini va bolasi bilan birga jami 37 kishini o‘ldirgan.
