Andijonda yirik mayning ferma aniqlandi. U davlat va jamiyatga 40,4 mlrd so‘m zarar yetkazgan
Andijon viloyatining Andijon tumanida noqonuniy mayning ferma borligi aniqlandi. Bu haqda Bosh prokuratura huzuridagi departament xabar berdi.
Departamentning Andijon tuman bo‘limi tomonidan olib borilgan tezkor-qidiruv tadbirlari hamda tergovga qadar tekshiruvda “I.P.” MCHJ mansabdor shaxslari va boshqalar MCHJga qarashli “Qurama” MFY hududida joylashgan chorva fermasi va ishlab chiqarish binosida qonunga zid ravishda, o‘zboshimchalik bilan umumiy foydalanishdagi elektr tarmog‘iga 845 dona “Bitmain” mayning kripto-aktivlari qurilmalarini o‘rnatgani aniqlangan.
Ular elektr energiyasidan noqonuniy foydalanib kelishi oqibatida davlat va jamiyat manfaatlariga 40,4 mlrd so‘m zarar yetkazgan.
Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Samarqandda noqonuniy mayning ferma aniqlandi
- Sirdaryoda 9,2 mlrd so‘mlik mayning-ferma qurilmalaridan noqonuniy foydalanib kelgan shaxslar aniqlandi
- Xorazmda noqonuniy “kripto-mayning” faoliyatiga chek qo‘yildi
