Surxondaryo viloyatida bir kunda 13 nafar hokim almashdi
Surxondaryo viloyatining Angor, Termiz, Muzrabot, Jarqoʻrgʻon, Shoʻrchi va Sariosiyo tumanlariga 25-yanvar kuni yangi hokimlar tayinlangani haqida xabar berilgan edi. Shu kuni Uzun, Denov, Oltinsoy, Boysun, Bandixon, Sherobod, Qiziriq tumanlariga ham yangi hokimlar tasdiqlandi.
Uzun tumani hokimi lavozimiga Xabibulla Bozorov tasdiqlandi.
Xabibulla Bozorov 1980-yil 3-aprelda Angor tumanida tugʻilgan. 2003-yil Ichki ishlar vazirligi akademiyasini tugatgan. Maʼlumoti boʻyicha mutaxassisligi huquqshunos.
U 2003—2022-yillarda Ichki ishlar organlarida turli lavozimlarda faoliyat yuritgan. 2022-yildan buyon Toshkent shahar IIBB Jamoat tartibini saqlash boshqarmasi boshligʻining maʼnaviy-maʼrifiy ishlar boʻyicha oʻrinbosari lavozimida ishlab kelgan.
Denov tumani hokimi lavozimiga Ilhom Abrorov tasdiqlandi.
Ilxom Abrorov 1971-yil 3-iyulda Denov tumanida tugʻilgan. 1995-yil Tojikiston davlat universiteti, 2008-yil Davlat va jamiyat qurilishi akademiyasini tugatgan. Maʼlumoti boʻyicha mutaxassisligi buxgalteriya hisobi, davlat va jamiyat qurilishi.
U 1997—2020-yillarda mahalliy hokimliklar va Bandlik va mehnat munosabatlari vazirligida turli lavozimlarda faoliyat yuritgan. 2020-yildan buyon Bandlik va mehnat munosabatlari vazirligi boshqarma boshligʻi lavozimida ishlab kelgan.
Oltinsoy tumani hokimi lavozimiga Bahrom Mahmatrayemov tasdiqlandi.
Bahrom Mahmatrayemov 1974-yil 7-iyunda Denov tumanida tugʻilgan. 2000-yil Termiz davlat universiteti, 2006-yil Bank-moliya akademiyasini tugatgan. Maʼlumoti boʻyicha mutaxassisligi avtotransport korxonalari menejeri, soliqlar va soliqqa tortish.
U 1996—2021-yillarda Davlat soliq qoʻmitasi, Moliya vazirligi, Hisob palatasida turli lavozimlarda faoliyat yuritgan. 2021-yildan buyon Kinematografiya agentligi bosh direktorining oʻrinbosari lavozimida ishlab kelgan.
Boysun tumani hokimi lavozimiga Baxodir Shukurov tasdiqlandi.
Baxodir Shukurov 1973-yil 1-yanvarda Boysun tumanida tugʻilgan. 1995-yil Toshkent davlat universiteti, 2004-yil Toshkent davlat yuridik instituti, 2006-yil Davlat va jamiyat qurilishi akademiyasini tugatgan. Maʼlumoti boʻyicha mutaxassisligi fizik, huquqshunos.
U 1994—2022-yillarda Ekologiya davlat qoʻmitasi, Vazirlar Mahkamasi va Oliy Majlis Senatida turli lavozimlarda faoliyat yuritgan.2022-yildan buyon Vazirlar Mahkamasining Ekologik nazorat boʻlimi mudiri lavozimida ishlab kelgan.
Bandixon tumani hokimi lavozimiga Abdumalik Allamurodov tasdiqlandi.
Abdumalik Allamurodov 1977-yil 17-aprelda Termiz tumanida tugʻilgan. 1998-yil Termiz davlat universitetini, 2003-yil Toshkent davlat yuridik institutini tugatgan. Maʼlumoti boʻyicha mutaxassisligi iqtisodchi, huquqshunos.
U 2000-2022-yillarda Adliya, Prokuratura, Ichki ishlar organlari, Tadbirkorlar murojaatlarini koʻrib chiqish qabulxonasi hamda Vazirlar Mahkamasida turli lavozimlarda faoliyat yuritgan. 2022-yildan buyon Denov tumani hokimi lavozimida ishlab kelgan.
Sherobod tumani hokimi lavozimiga Zaynobiddin Xalilov tasdiqlandi.
Zaynobiddin Xalilov 1973-yil 19-iyunda Sariosiyo tumanida tugʻilgan. 1995-yil Toshkent irrigatsiya va qishloq xoʻjaligini mexanizatsiyalash muhandislari instituti, 2006-yil Termiz davlat universitetini tugatgan. Maʼlumoti boʻyicha mutaxassisligi gidrotexnika qurilishi, iqtisodchi.
U 2006-2022-yillarda monopoliya, qurilish vazirligi, raqobat qoʻmitasi, hisob palatasida turli lavozimlarda faoliyat yuritgan. 2022-yildan buyon Hisob palatasining shoʻba mudiri lavozimida ishlab kelgan.
Qiziriq tumani hokimi lavozimiga Sherzod Rajabov tasdiqlandi.
Sherzod Rajabov 1984-yil 26-yanvarda Qiziriq tumanida tugʻilgan. 2007-yil Termiz davlat universiteti, 2014-yil Toshkent davlat iqtisodiyot universitetini tugatgan. Maʼlumoti boʻyicha mutaxassisligi iqtisodchi.
U 2008—2021-yillarda Surxondaryo viloyati hokimligi, “Oʻzvinosanoat-xolding” AJ, Uzumchilik va vinochilikni rivojlantirish agentligida turli lavozimlarda faoliyat yuritgan. 2021-yildan buyon Alkogol va tamaki bozorini tartibga solish hamda vinochilikni rivojlantirish agentligi direktorining oʻrinbosari lavozimida ishlab kelgan.
