“Bosim va izolyatsiya”: Isroil qamoqxonalarida falastinlik mahbuslar uchun reyd o‘tkazildi
Isroil qamoqxonalar boshqarmasi bosim va izolyatsiya qilish usullaridan foydalangan holda Isroil qamoqxonalaridagi falastinlik mahbuslar uchun bo‘limlarga reydlar uyushtirdi. Bu haqda Anadolu xabar berdi.
Falastin ozodlik tashkiloti (FOT) ma’lumotlariga ko‘ra, reydlar Ofer, Majdu va Negev qamoqxonalarida o‘tkazilgan. O‘nlab mahbuslar ruhiy bosim o‘tkazish maqsadida boshqa qamoqxona yoki kameralarga, ba’zilari bir kamerali xonaga o‘tkazilgan.
FOT Isroil kuchlari falastinliklarga qarshi provokatsion harakatlarini kuchaytirgani, xavfsizlik kuchlarining harakatlari fonida mahbuslar og‘ir ruhiy stressni boshdan kechirganini ta’kidladi. Falastin milliy harakatining Favqulodda vaziyatlar bo‘yicha oliy qo‘mitasi mahbuslarga nisbatan Damon, Ofer, Majdu va Negev qamoqxonalaridagi qonunbuzarliklar javobsiz qolmasligiga ishontirdi.
Ta’kidlanishicha, Isroil qamoqxonalarida 4 700 ga yaqin falastinlik saqlanmoqda, ulardan 29 nafari ayol va 150 nafari bola.
Mavzuga doir:
- Isroil kuchlari 9 nafar falastinlikni, jumladan, keksa ayolni otib o‘ldirdi
- G‘azo sektori Jeninda falastinliklarning o‘ldirilishiga javoban Isroilga uchta raketa otdi
- Isroil politsiyasi falastinlik erkakni farzandi oldida otib tashladi
