Isroil hukumati Quddusdagi falastinliklarning uylarini buzishni boshladi
Isroil hukumati bosib olingan Sharqiy Quddusda falastinliklarning uyini buzishni boshladi. Bu haqda Middle East Monitor xabar berdi.
Uylarni buzish milliy xavfsizlik vaziri Itamar Ben-Gvir buyrug‘i bilan amalga oshirilmoqda. Uylar ruxsatsiz qurilgani ta’kidlangan. Biroq, Isroil hukumati kamdan-kam hollarda falastinliklar uchun bunday ruxsatnomalar berishni tasdiqlaydi.
Isroilda hukumat tepasiga Benyamin Netanyaxu boshchiligidagi o‘ta o‘ng qanot kelgach, bosib olingan hududlar bo‘ylab falastinliklarning uylarini buzish holatlari ko‘paydi. Itamar Ben-Gvir va Bezalel Smotrich kabi vazirlar ochiqchasiga falastinliklarni haydab chiqarish va ularning uylarini buzishni yoqladi. Kuzatuvchilarning ta’kidlashicha, falastinliklarga nisbatan etnik tozalash 1948-yilda tugamagan va bu davom etmoqda.
Mavzuga doir:
- “Bosim va izolyatsiya”: Isroil qamoqxonalarida falastinlik mahbuslar uchun reyd o‘tkazildi
- Isroil kuchlariga qarata o‘t ochgan falastinlik erkak otib o‘ldirildi
- Isroil politsiyasi falastinlik erkakni farzandi oldida otib tashladi
