“Shahar avtomobillar emas, piyodalar uchun”. Yo‘l harakati xavfsizligi yangi g‘oya asosida isloh qilinadi

O‘zbekistonda 2023-yildan boshlab yo‘l harakati xavfsizligini ta’minlash sohasi isloh qilinadi. Bu jamoatchilik muhokamasiga qo‘yilgan 2023-yilgi davlat dasturi loyihasida ko‘zda tutilgan.

Qayd etilishicha, sohada “shahar avtomobillar emas, balki piyodalar uchun” degan yangi g‘oya paydo bo‘ladi va shuning asosida sohada islohotlar o‘tkaziladi.

Jumladan, respublikaning barcha aholi punktlarida transport vositalari harakatlanishining eng yuqori tezligi soatiga 70 kilometrdan 60 kilometrgacha tushiriladi.

Ichki ishlar vazirligi, boshqa manfaatdor vazirlik va idoralar 2023-yil may oyiga qadar ishlarni yo‘lga qo‘yadi.

Mavzuga doir:

• O‘zbekistonda talabalarga yotoqxonaga onlayn joylashish imkonini beruvchi davlat xizmati joriy etiladi 
• O‘zbekistonga dron olib kirganlik uchun jazo yengillashtirilmoqda