Ramzan Qodirov “Axmat” maxsus kuchlari komandirini zaharlashga urinishgani haqida ma’lum qildi

Checheniston rahbari Ramzan Qodirov o‘z yordamchisi, “Axmat” maxsus kuchlari komandiri Apti Alaudinovga suiqasd uyushtirilgani haqida aytib berdi.

Qodirovning so‘zlariga ko‘ra, 8-fevral kuni Alaudinovning xizmatchi ofitseri general uchun xabar yuborilgan konvertni olgan. Konvert zaharli moddadan iborat bo‘lgan.

“Apti Aronovich zaharning o‘ziga xos hididan buni tushundi va o‘z vaqtida chora ko‘rdi: qo‘llarini dizinfeksiya qilib, burun bo‘shlig‘ini yuvdi. Konvertni ushlagan generalning xizmatchilari ham shunday qilishdi”, — deb yozadi Checheniston rahbari o‘zining Telegram-kanalida.

“Zaharlanganlar tibbiy batalonga yotqizildi, u yerda boshliq va ikki nafar harbiy shifokorning — ulardan biri professional toksikolog bo‘lib chiqdi — say-harakatlari natijasida og‘ir oqibatlarning oldi olindi”, — qo‘shimcha qilgan Qodirov.

U suiqasd aynan qayerda sodir bo‘lganiga aniqlik kiritmadi.

Oldingi xabarlariga ko‘ra, fevral oyi boshida Alaudinov Ukrainada urushda bo‘lgan. Hozir u va uning ofitserlari Moskvadagi klinikalardan birida davolanmoqda.