Xorazm viloyatining ikki tumaniga yangi hokim tayinlandi

Xorazm viloyati hokimligi Yangibozor va Hazorasp tumanlariga yangi rahbar tayinlanganini e’lon qildi.

Yangibozor tumani hokimi lavozimiga Urganch tumani prokurori vazifasida ishlab kelgan Ruslan Jumaniyozov tayinlandi. Tumanga 2020-yilning martidan rahbarlik qilib kelgan O‘ktam Qurbonov 15-fevral kuni lavozimidan ozod etildi.

Hazorasp tumani hokimi etib Zafar Abdirimov tayinlandi.

Bunga qadar u Oliy Majlis Qonunchilik palatasi deputati vazifasida faoliyat yuritgan. Tumanning avvalgi hokimi O‘ktam Masharipov lavozimidan ozod etildi.