Sirdaryo viloyatida er-xotinni 40 ming dollarga AQSHga yubormoqchi bo‘lgan shaxs ushlandi

Sirdaryo viloyatida bir oilani 40 ming dollarga AQSHga yubormoqchi bo‘lgan shaxslar ushlanib, jinoyat ishi qo‘zg‘atildi.

Bosh prokuratura huzuridagi departament hamda DXXning Sirdaryo viloyati boshqarmalari tomonidan o‘tkazilgan tezkor tadbirda, muqaddam tovlamachilik va boshqa jinoyatlari uchun sudlangan O.A. fuqaro B.J.ning ishonchiga kirgan.

Xabarda aytilishicha, fuqaro B.J. va uning turmush o‘rtog‘ini tanishlari yordamida 40 ming dollar evaziga AQSHga yuborishini vaʼda qilib, oldindan 12 ming dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.