Turkmaniston prezidenti o‘g‘lining to‘yi bo‘ldi. Marosim sababli ko‘chalar yopildi
Turkmaniston poytaxtidagi “Arqadag‘” mehmonxonasida 26-fevral kuni mamlakat prezidenti Serdar Berdimuhamedovning o‘g‘li Kerimg‘uli Berdimuhamedovning nikoh to‘yi bo‘lib o‘tdi. Bu haqda “Xronika Turkmanistana” muxbirlari xabar berdi.
Marosim sababli Turkmanboshi, Garashsizlik, Bitaraplik va Archabil ko‘chalari to‘sib qo‘yilgan. Politsiya xodimlari shaharda, shuningdek, Cho‘g‘anliga olib boruvchi katta yo‘l bo‘ylab navbatchilik qilgan. Turkman urf-odatlariga ko‘ra, Kerimqulining ota-onasi va buvisi Og‘ulgerek Berdimuhamedova qizga sovchilikka borgan. Kelinga ro‘mol o‘rab, taqinchoqlar berishgan. Sovchilar Xerrikgala qishlog‘iga kelguniga qadar kelinning qo‘shnilaridan kechgacha uylarini tark etish so‘ralgan.
26-fevral kuni kelinni Cho‘g‘onlidan olib kelishgan, u yerda qizning oilasiga yangi kottej berilgan. Voqea guvohlari kortej 10 ta mashinadan iboratligini sanagan. Kerimg‘uli Berdimuhamedov otasi va bobosi bilan davlat televideniyesi xabarlarida tez-tez namoyish etiladi. U bobosi, Turkmaniston sobiq prezidenti Gurbanguli Berdimuhamedov bilan birga she’r va musiqa yozishi bilan mashhur. Bundan tashqari, ular tez-tez sport bilan shug‘ullanadi va birgalikda dam oladi.
