Zelenskiy va general Zalujniy o‘rtasida Baxmut borasida kelishmovchilik yuzaga keldi — Bild
Ukraina prezidenti Vladimir Zelenskiy va general Valeriy Zalujniy o‘rtasida urush kechayotgan Donetsk viloyati Baxmutda qanday harakatlanish borasida kelishmovchilik yuzaga keldi. Bu haqda Bild xabar berdi.
Ukraina prezidenti va Ukraina qurolli kuchlari oliy Bosh qo‘mondoni bu shaharda ukrainalik himoyachilarning borligi borasidagi qarashi tubdan farq qiladi. Bild’ning Ukraina siyosiy rahbariyatidagi bir qancha manbalarga tayanib xabar berishicha, bir necha hafta oldin Zalujniy Baxmutdan taktik sabablarga ko‘ra chekinish imkoniyatini ko‘rib chiqishni tavsiya qilgan.
“Baxmutdagi askarlarning aksariyati shahar nima uchun ushlab turilganini tushunmaydi”, — deydi anonim qolishni istagan ukrainalik harbiy tahlilchi.
"Rossiyaning jang maydonidagi yo‘qotishlari ko‘p bo‘lsa-da, ko‘plab ukrainalik askarlar ham shaharni fidokorona himoya qilish ortidan halok bo‘ldi. Aytilishicha, Zalujniy Baxmutdan erta chiqib ketishni talab qilgan”, — deya yozadi Bild.
Zalujniyning pozitsiyasi Baxmutni ushlab turgan jangchilarning ko‘pchiligiga tegishli. Bu nuqtai nazarga qarshi bo‘lganlarning aytishicha, Baxmutning ketishi bilan boshqa joylarda ham shunga o‘xshash janglar kechardi. Maqsad ruslarni oldinga siljitishdan saqlab qolish va shu bilan birga ularga eng katta talafotlarni yetkazishdir.
“Avval Baxmut ruslar uchun tuzoq edi, endi u bizga tuzoq bo‘ldi. Biz ularni 1:7 nisbatda yo‘q qilamiz (har bir o‘ldirilgan ukrainalik uchun yetti nafar ruslar o‘ladi). Baxmutni ushlab turishning yagona harbiy sababi shu”, — degan ukrainalik harbiy tahlilchi.
