Rossiya va Ukraina kuchlari o‘rtasida shiddatli jang kechayotgan Baxmut — suratlarda
Rossiya kuchlari Ukraina sharqidagi vayron bo‘lgan shaharni bosib olishda davom etayotgan bir paytda Kiyev rasmiylari ukrain harbiylari Baxmutni ushlab turishga qat’iy qaror qilganini ma’lum qildi. Bu haqda Al Jazeera xabar berdi.
Ukraina prezidenti Vladimir Zelenskiy harbiy amaldorlar bilan uchrashib, Baxmutda ukrain armiyasining pozitsiyasini mustahkamlash haqida gapirdi. Buning fonida Zelenskiy va general Valeriy Zalujniy o‘rtasida Baxmut borasida kelishmovchilik yuzaga kelgani xabar qilindi. Jumladan, general Baxmutdan erta chekinish borasida gapirgan.
.jpg)
Mahalliy amaldorlarning so‘zlariga ko‘ra, Rossiya armiyasi e‘tibori Donetsk va yaqin atrofdagi qishloqlarga qaratilgan bo‘lib, Moskva Baxmutdagi qarshilikni yakunlash uchun katta resurslarini u yerda to‘plagan.
“Tinch aholi Rossiya qo‘shinlari va qurollaridan qochib, Baxmutdan yo‘l olmoqda”, — dedi Donetsk gubernatori Pavlo Karilenko.
Ukraina politsiyasi tinch aholini evakuatsiya qilish uchun mikroavtobusdan foydalanmoqda
Baxmut shimolidagi Minkovka qishlog‘ida bir ayol o‘zining shaxsiy narsalari bilan ko‘chmoqda
