Samarqandda bedarak yo‘qolgan bola bir yildan so‘ng topildi
Samarqand shahrida bedarak yo‘qolgan bola bir yildan so‘ng, 27-mart kuni topildi. Bu haqda viloyat Ichki ishlar boshqarmasi axborot xizmati xabar berdi.
Xabarga ko‘ra, 2022-yil 25-fevral kuni Samarqand viloyati Ishtixon tumani “Chaqar” mahallasida yashovchi, voyaga yetmagan, 2005-yilda tug‘ilgan B.T. yashash uyidan nomaʼlum tomonga chiqib ketib, bedarak yo‘qolgani bo‘yicha yaqin qarindoshlari ariza bilan murojaat qilgan edi. Holat yuzasidan IIO xodimlari tomonidan qidiruv tadbirlari olib borilgan.
2023-yil 27-mart kuni Samarqand shahri bo‘yicha IIO FMB 2-son IIB profilaktika katta inspektori mayor A.Bobonazarov o‘zining xizmat hududi bo‘lgan Samarqand shahar Yangiqo‘rgon mahallasida profilaktik tadbirlarni o‘tkazayotgan vaqtida ushbu voyaga yetmagan bola mahalla hududida yurgani aniqlanib, tegishli tartibda rasmiylashtirilib, Ishtixon tumani IIB xodimlariga topshirildi.
Hozirda bolaning uyidan chiqib ketish sabablari o‘rganilmoqda.
