Rossiyada o‘zbekistonlik yigitni poyezd bosib ketdi

Rossiyaning Leningrad viloyatida o‘zbekistonlik 22 yoshli yigitni poyezd bosib ketdi. Bu haqda 78.ru xabar berdi.

Ma’lum qilinishicha, Tsilevo va Tixvin temiryo‘l stansiyalari orasidan O‘zbekiston fuqarosining jasadi topilgan. Tekshiruv davomida yigit quloqchin taqib, telefonga qarab, poyezd oldidan yo‘lni kesib o‘tmoqchi bo‘lgani aniqlangan.

Yigitning telefon ushlagan qo‘li temiryo‘ldan uch metr narida topilgan. Hozirda holat yuzasidan tekshiruv ishlari ilib borilmoqda.

Ma’lumot o‘rnida, 24-mart kuni Qoraqalpog‘istonda Qo‘ng‘irot—Toshkent yo‘nalishidagi yo‘lovchi poyezdi 44 yoshli erkakni bosib ketgandi. Hodisa oqibatida jabrlanuvchining boshi uzilib ketib, voqea joyida halok bo‘lgan.