“San’atimizning yana bir devori quladi”. Instagram’da Murod Rajabov xotirlanmoqda 

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

O‘zbekiston xalq artisti Murod Rajabov 8-aprel kuni 74 yoshida hayotdan ko‘z yumdi. Ushbu xabar nafaqat o‘zbek kinosi ixlosmandlari, balki san’at olami vakillari qalbini ham larzaga keltirdi. O‘zbek shou-biznesi vakillari Instagram’dagi sahifalarida Murod Rajabovni xotirlamoqda.  

Rayhon G‘aniyeva sahifasiga Murod Rajabov bilan birga tushgan suratini joylab, “Biz hammamiz Allohnikimiz va unga qaytguvchimiz”, deb yozib qoldirdi.

“O‘zi kulmay, mutlaqo jiddiy turib kuldira oladigan aktyor ketdi”, — deb yozmoqda Davron Kabulov.

Otabek Mahkamovning fikricha, Murod Rajabov nafaqat professional ijodkor, balki ichki falsafasi kuchli shaxs edi. “Murod akani hamisha eslab turamiz, joylari jannatda bo‘lsin”, — deb yozadi aktyor.

Taniqli so‘z ustasi Mirzabek Xolmedov Murod Rajabov bilan “Ulfatlar” filmida birga ishlagan edi. “Ulfatlar devori quladi. Murod Rajabov endi oramizda yo‘q”, — deydi Mirzabek Xolmedov. 

Ulug‘bek Qodirov ham aktyorning o‘limidan iztirobda ekanligini bildirdi hamda “Oxiratingiz obod bo‘lsin, ustoz”, — deya yozib qoldirdi. 

Taniqli kinorejissor Rustam Sa’diyev sahifasiga “Kelgindi kuyov” filmidan parchani joylashtirdi hamda “Murod Rajabovdek buyuk artist bilan hamkorlik qilganimdan faxrlanaman”, — deb yozdi.



Vayner Liil Xurramov Surxondaryo viloyatining Denov tumanida qarindoshlari yashaydigan hovliga bordi hamda bolaligidagi qiyinchiliklari haqida kuzatuvchilariga so‘zlab berdi.

Xonanda DJ Piligrim Mercedes GLE 350e gibrid avtomobilini xarid qilgani haqida muxlislariga so‘zlab berdi.



Vayner Imona G‘ayratova ota-onasiga Umra yo‘llanmasini sovg‘a qildi hamda ushbu quvonchini muxlislari bilan bo‘lishdi.