“Shrek”dagi eshak oddiy qahramon emas: mashhur multfilmlardagi chuqur ma’noga ega personaj va detallar
Animatsion rejissorlar ba’zan hazil qilishni va faqat eng diqqatli tomoshabin sezadigan detal yoki ma'lumotni yashirishni yaxshi ko‘radilar.
“Moana”dagi Xey-Xey shunchaki xo‘roz emas, balki yarim jonivor, yarim xudo
Birinchidan, bu xo‘roz qarimaydi: Xey-Xey Moananing go‘dakligidan beri umuman o‘zgarmagan. Ikkinchidan, u hech qachon uni tark etmaydi. Albatta, xo‘roz ahmoq, lekin uning asosiy vazifasi bor: har doim qiz bilan birga bo‘lish va uni himoya qilish. Shuningdek, Xey-Xey nihoyatda xavfli vaziyatlarda ham omon qoladi. Xo‘rozning sehrli xususiyatlariga ishoralardan biri — u majburan ovqatlanmasa, umuman ovqat yemasligi ham mumkin.
“Malika va qurbaqa”da gilam silkitayotgan ayol sahnasi bor. Bu Olouddinning uchar gilamiga juda o‘xshaydi
A113 “Superoila-2” filmida ikki marta paydo bo‘ladi: bir marta poyezdda, keyin esa kino afishasida
A113 — Kaliforniya san’at institutining ko‘plab Pixar animatorlari o‘qigan xona raqami
“Boshqotirma” filmidagi Raylining liboslari qizning hissiy holatini ko‘rsatadi
Multfilmning dastlabki daqiqalaridagi rangli futbolka butun his-tuyg‘ularni ifodalaydi: quvonch, qayg‘u, qo‘rquv, g‘azab va jirkanish. Boshqa shaharga ko‘chib o‘tgandan so‘ng Rayli sariq kiyimini kiyadi: qiz o‘z hayotiga quvonch qo‘shishni xohlaydi va boshqa his-tuyg‘ularni bostiradi. Keyinchalik, u his-tuyg‘ularini yashirish uchun qora kozok taqadi.
Nemo otasining tasavvuri bo‘lishi mumkin
Internetda tarqalgan mashhur nazariyaga ko‘ra, Nemo aslida mavjud bo‘lmagan. “Nemoni izlab” multfilmi boshida masxaraboz baliq Marlin butun oilasi halok bo‘lganini ko‘radi. Ota uchun bunday yo‘qotishni qabul qilish qiyin va u bitta uvuldiriq omon qolgan degan fikrga keladi. Bundan tashqari, nemo so‘zi lotin tilida “hech kim” degan ma'noni anglatadi.
“Enkanto” multfilmida zumrad yashil rang Bruno uchun asosiy rang sifatida tanlangan
Kolumbiyada zumradlar odamlarga kelajakni bashorat qilish qobiliyatini beradi, deb hisoblashadi. Bosh qahramon Mirabellning surgundagi amakisi Bruno yashil poncho kiyib olgan bo‘ladi va uning tasavvurlari xuddi shu rangda aks etadi.
Qizig‘i shundaki, Bruno nomi ispancha brujo so‘ziga mos keladi, bu “sehrgar” deb tarjima qilinadi.
“Qirmizi qizaloq” bosh qahramonining ulkan qizil pandaga aylanishi — ulg‘ayishga ishoradir
Bu holat har safar Mey asabiylashganda yoki xavotirga tushganda sodir bo‘ladi. Rejissor Domi Shi shunday deydi: “Hammamiz ham 13 yosh bo‘lganimizda o‘zimizni qandaydir yovvoyi va tukli hayvonga aylangandek his qilganmiz”. Multfilmning g‘oyasi yetuklik jarayonini, o‘zingizni va his-tuyg‘ularingizni qabul qilish qanchalik muhimligini ko‘rsatishdir.
Bundan tashqari, Mey hayvonga aylanganda instinktiv ravishda panjalarini boshidan yuqoriga ko‘taradi. Bu qizil pandaning xavfli paytdagi real xatti-harakati.
“Qalb” animatsion filmida birinchi jonga 108 210 121 415 raqami berilgan
Bu raqam Aholi ma'lumotlari byurosining o‘sha davrdagi ma'lumotlariga mos keladi. Multfilm chiqqanida insoniyat mavjud bo‘lgan davrda Yerda 108 milliarddan ko‘proq odam tug‘ilgan edi.
“Ratatuy” multfilmidagi Skinner (bosh oshpaz) kalamushlar bilan o‘tkazgan tajribalari bilan mashhur bo‘lgan xulq-atvor psixologi B.F. Skinner sharafiga nomlangan
“Dengiz ahli” multfilmidagi bosh yovuz odam — Robert De Niro tomonidan ijro etilgan akula Don Linoning o‘ng yonog‘ida aktyornikiga o‘xshash xol bor
“Etik kiygan mushuk: so‘nggi tilak” multfilmidagi birinchi va oxirgi jangda kim g‘alaba qozonishiga ishora mavjud
Multfilmning boshida Mushuk O‘lim (bo‘ri)dan juda qo‘rqadi: uning qo‘rqib ketgan ko‘zlari o‘roqlarda aks etadi. Oxir-oqibat Bo‘ri raqibi o‘z saboqlarini olganini tushunadi, u endi qo‘rqmaydi va oxirgi 9 hayotini tinch-totuv yashashni xohlaydi. Mushuk qo‘rquvini yengib, jangda g‘alaba qozonadi.
“Shrek”dagi eshak oddiy qahramon emas
Multfilmdagi eshakning kelib chiqishi haqida aytilmagan. Ammo mashhur ertaklarga murojaat qilsak, aka-uka Grimmlar gapiradigan eshak haqida yozishgan. O‘zlarining “Eshak” ertagida malika va podshoh merosxo‘r ko‘rishni orzu qiladi, lekin ularning oilasida eshak tug‘iladi. Tashqi ko‘rinishiga qaramay, u gapirishni, odob-axloqni o‘rganadi, musiqani yaxshi ko‘radi va Shrekdagi eshakni eslatadi. Xulosa: Eshak haqiqiy eshak emas, balki eshak terisini kiygan odam.
Boshqa bir nazariyaga ko‘ra, eshak “Pinokkio” multfilmidagi o‘g‘irlab ketilgan va O‘yin-kulgi orolida eshakka aylangan bolalardan biridir.
“Kung-fu panda”da Po tanlanishiga sabab pandalar kamdan kam hollarda jarohatlanadi
Multfilmning ko‘plab muxlislari nega ustoz Ugvey kung-fu o‘quvchilari orasidan pandani tanlagani qiziqtiradi. Po bir kun kelib Ajdaho jangchisiga aylanadigan va cheksiz kuchga ega bo‘lgan qahramon bo‘lish uchun tanlangan. Ma'lum bo‘lishicha, pandalar juda chidamli jonivor: ular zo‘r alpinist bo‘lib, yiqilsa ham ortiqcha yog‘lari tufayli jarohatlanmaydi. Poning jismoniy holati uni mohir jangchiga aylantiradi, chunki uning zarbasi kuchli va u har qanday jangdan osongina omon qoladi.
