Qozog‘istonda to‘rt yil avval bedarak yo‘qolgan o‘zbekistonlik topildi

Qozog‘istonning Atirau viloyatida to‘rt yil avval bedarak yo‘qolgan o‘zbekistonlik topildi. Bu haqda “Kazinform” xabar berdi. 

Xabarga ko‘ra, u Qozog‘istonga 2017-yilda kelgan va 2019-yildan beri bedarak yo‘qolganlar ro‘yxatida. Atirau viloyati ichki ishlar boshqarmasi matbuot xizmati xabariga ko‘ra, “Migrant” tadbiri davomida mamlakatning migratsiya qonunchiligini buzgan xorijliklar aniqlangan. Mazkur shaxs ham ushbu tadbirda topilgan. 

U 2019-yildan beri Nukusdagi qarindoshlari bilan aloqani uzgan. Shu sababli uning qarindoshlari Nukus shahar ichki ishlar bo‘limiga murojaat qilgan. Shu tariqa u bedarak yo‘qolganlar ro‘yxatiga kiritilgan.

Hozir politsiya xodimlari 48 yoshli o‘zbekistonlikning kimligini aniqlash va uni o‘z mamlakatiga qaytarish uchun tegishli hujjatlar ro‘yxatini yig‘moqda.