Markaziy Osiyo va Afg‘onistonda asosiy oziq-ovqat mahsulotlari narxi qanday?

“Daryo” jamoasi Markaziy Osiyo va Afg‘onistondagi asosiy mahsulotlar, ya’ni guruch, piyoz, kartoshka, sabzi va pomidor narxini solishtirishga qaror qildi.

Mazkur mahsulotlar ko‘plab taomlarning asosidir, shuning uchun ularning narx kundalik hayotdagi taomlarning bahosini aniqlashda yordam beradi.

Eng qimmat piyoz Turkmaniston va Afg‘onistonda ekani ma’lum bo‘ldi – 1 kilogramm uchun 0,88 dollar.

Eng qimmat kartoshka Qozog‘istonda (0,48 dollar), eng arzoni esa Afg‘onistonda bo‘lib, uning narxi 1 kilogrammi uchun 0,34 dollarni tashkil qiladi.

Sabzi uchun eng yuqori narx O‘zbekistonda (0,79 dollar), ikkinchi o‘rinda esa Qirg‘izistonda (0,51 dollar) turadi.

Guruch uchun eng past narx Qozog‘istonda (1,10 dollar), eng yuqorisi O‘zbekistonda (2 dollar), Afg‘oniston va Tojikistonda esa bir xil (1,61 dollar).

Eng arzon pomidor Afg‘onistonda (0,7 dollar), qimmati esa Qozog‘istonda (3,7 dollar) ekani ma’lum bo‘ldi. 

Umuman olganda, ushbu mahsulotlar savatini hisobga oladigan bo‘lsak, mahsulotlarning minimal narxi Turkmanistonda (3,66 dollar), maksimal qiymati esa O‘zbekistonda (6,96 dollar) qayd etildi.