“Aloqalar tiklanishi mumkin”: Eronning quvg‘indagi valiahd shahzodasi Isroilga boradi

Eronning quvg‘indagi valiahd shahzodasi Rizo Pahlaviy shu hafta Isroilga tashrif buyurishi rejalashtirilgan. Bu haqda Associated Press xabar berdi.

Ma’lum qilinishicha, tashrif Pahlaviy otasining bir vaqtlar Isroil bilan bo‘lgan iliq aloqalari hamda Isroil va Islom Respublikasi o‘rtasidagi hozirgi dushmanlik holatini aks ettiradi.

“Isroil xalqi shuni bilishini istardimki, Islom Respublikasi Eron xalqini ifodalamaydi. Xalqlarimiz o‘rtasidagi qadimiy aloqalar har ikki millat manfaati uchun qayta tiklanishi mumkin”, — deb yozadi Rizo Pahlaviy.

1979-yilgi Islom inqilobidan oldin Eronni boshqargan so‘nggi shohning o‘g‘li Pahlaviy uchrashuvda “Eron xalqidan do‘stlik xabarini” yetkazishini aytdi.

The Times of Israel nashrining yozishicha, u Isroilda har yili o‘tkaziladigan Xolokostni xotirlash marosimida qatnashmoqchi. Pahlaviyni Isroil razvedka vaziri Gila Gamliel kutib oladi.

Gamliel Pahlaviyning Isroilga birinchi tashrifini amalga oshirish haqidagi “dadil qarori”ni olqishlagan.

“Valiahd shahzoda Eronni boshqarayotgan ekstremistlardan farqli o‘laroq, Oyatullo rejimidan farq qiladigan va tinchlik, bag‘rikenglik qadriyatlarini qo‘llab-quvvatlaydigan yetakchilik timsolidir”, — degan u.

Pahlaviy 17 yoshida saraton kasalligiga chalingan otasi Muhammad Rizo Pahlaviy quvg‘inda taxtni tark etishidan biroz oldin AQSHdagi harbiy maktabda o‘qish uchun Erondan ketgan.

1979-yilda Eron inqilobi yetakchisi Oyatullo Humayniy Isroilni “Islom dushmani” deb e’lon qilgan va u bilan barcha aloqalarni uzgan. Bugun mamlakatlar qasamyodli dushman. Isroil Eronni o‘zining eng katta tahdidi deb hisoblaydi. Buni mamlakatning Isroilni yo‘q qilishga chaqirayotgani, Isroil chegaralaridagi dushman jangari guruhlarni qo‘llab-quvvatlashi va yadroviy dasturi bilan izohlaydi. Eron Isroil va uning G‘arb ittifoqchilarining yadroviy bomba yaratishda ayblovlarini rad etadi.