“Barselona” prezidenti “Negreyra ishi” yuzasidan UEFA rahbari bilan uchrashuv o‘tkazdi

“Barselona” prezidenti Xoan Laporta UEFA rahbari Aleksander Cheferin bilan ushrashdi. Bu haqda Marca xabar berdi.

Xabarga ko‘ra, “Barselona” prezidenti Cheferin bilan uchrashish uchun Sloveniyaga borgan. Laporta sobiq hakam Negreyra bilan bog‘liq holat va jamoaga qo‘yilayotgan ayblovlarga oydinlik kiritishni xohlagan.

Kataloniyaliklar rahbari yana bir bor hakamlarni sotib olish uchun pul to‘lamaganini ta’kidlagan. 

Xoan Laporta sud hukmi chiqmasdan avval UEFA jamoaga nisbatan sport sanksiyalarini qo‘llamasligini xohlamoqda.

Qayd etilishicha, “Barselona” rahbariyati UEFA bilan aloqalarni yaxshilash klub uchun juda muhim deb hisoblayapti.