Isroil va Falastin G‘azoda o‘t ochishni to‘xtatishga kelishib oldi — Reuters

Isroil va Falastin sulh bitimiga erishdi. O‘t ochishni to‘xtatish kelishuvi 3-may kuni kuchga kirdi, deb xabar bermoqda Reuters Falastin rasmiylariga tayanib. Misr, Qatar va BMT muzokaralarda vositachi bo‘ldi.

Kecha, 2-may kuni “Falastin islomiy jihodi” harakatining yuqori martabali a’zosi Hader Adnan Isroil qamoqxonasida vafot etdi. U uch oydan beri ochlik e’lon qilib kelayotgandi.

Xuddi shu kuni G‘azo sektori Isroil tomon bir necha o‘nlab raketalarni otdi. Kamida uch kishi jarohatlangan. 3-mayga o‘tar kechasi Isroil bunga javoban G‘azo sektorini o‘qqa tutdi.

Isroil armiyasi HAMAS marralariga zarbalar berilganini ma’lum qildi. Falastin matbuotiga ko‘ra, G‘azoda bir kishi yaralangan.