O‘zbekistonda maʼlumotlari chiptaxonalarda tasdiqlanmagan yo‘lovchilar poyezdga chiqishiga ruxsat etilmaydi

O‘zbekistonda endilikda temiryo‘l vokzallariga kirishda maʼlumotlari chiptaxonalarda tasdiqlanmagan yo‘lovchilar poyezdlarga chiqishiga ruxsat etilmaydi. Bu haqda “O‘ztemiryo‘lyo‘lovchi” AJ axborot xizmati xabar berdi. 

Unga ko‘ra, yo‘lovchilar guruhlariga chipta rasmiylashtirishda, avval ularning maʼlumotlari keltirilgan ro‘yxat chiptaxonalarda tasdiqlangan bo‘lishi lozim. Sayyohlik tur kompaniyalari tomonidan Vazirlar Mahkamasining 2012-yil 13-aprel kunidagi “O‘zbekiston Respublikasi temiryo‘l transportida yo‘lovchilar, bagaj va yuk bagaj tashish qoidalari” to‘g‘risidagi qarorining 5-bo‘lim 41-bandining buzilish holatlari kuzatilmoqda.

Mazkur bandda “Yo‘lovchini vagonga o‘tkazganda vagon kuzatuvchisi chiptani, unda ko‘zdan kechirishdan o‘tgani to‘g‘risida belgining mavjudligini, shuningdek, yo‘lovchi shaxsini tasdiqlovchi hujjatni tekshirishi shart. Taqdim qilinayotgan hujjatda familiyasi mos kelmaganda, chiptada familiya yo‘qligi yoki o‘zgartirilgan (to‘g‘rilangan)da, shuningdek, ko‘zdan kechirishdan o‘tgani to‘g‘risidagi belgi mavjud bo‘lmaganda, yo‘lovchining yo‘lovchi tashish poyezdiga chiqishiga yo‘l qo‘yilmaslikka haqlidirlar”, deya belgilangan.