Putinning MDH davlatlari rahbarlari bilan norasmiy tushligi menyusi e’lon qilindi
Rossiya prezidenti Vladimir Putinning 9-may kungi paraddan keyin MDH davlatlari yetakchilari bilan norasmiy tushligi menyusi e’lon qilindi. Bu haqda jurnalist Pavel Zarubin xabar berdi.
Tushlikda Armaniston bosh vaziri Nikol Pashinyan, Turkmaniston prezidenti Serdar Berdimuhamedov, O‘zbekiston prezidenti Shavkat Mirziyoyev, Qozog‘iston prezidenti Qosim-Jo‘mart To‘qayev, Tojikiston prezidenti Emomali Rahmon ishtirok etgan.
Belarus rahbari Aleksandr Lukashenko sog‘lig‘i sababli tushlikda qatnasha olmagan, Qirg‘iziston prezidenti Sadir Japarov esa Rossiya bosh vaziri Mixail Mishustin bilan uchrashgani uchun tushlikka borolmagan.
Jurnalist Pavel Zarubin tushlikdagi taomlar menyusini o‘zining Telegram sahifasida chop etgan. Birinchi va ikkinchi taomlardan tashqari, mehmonlarga gazaklar va shirinliklar ham taklif qilingan.
Menyudan dudlangan o‘rdak salati, qisqichbaqali taom, achchiq ziravorli va go‘shtli sho‘rva, qulupnay va laymli sharbat, qalampir sousli mol go‘shtidan steyk va pistali merenga ruleti o‘rin olgan.
