O‘zbekiston terma jamoasining Osiyo Kubogi—2023 guruh bosqichidagi taqvimi ma’lum bo‘ldi
Futbol bo‘yicha Osiyo Kubogi—2023 musobaqasining guruh bosqichiga 11-may, payshanba kuni qur’a tashlandi.
O‘zbekiston milliy terma jamoasi B guruhida Avstraliya, Suriya va Hindistonga qarshi o‘ynaydi.
Srechko Katanes shogirdlarining musobaqadagi taqvimi ma’lum qilindi. Qayd etish kerak, O‘zbekiston terma jamoasi musobaqani o‘zining sobiq murabbiy Ektor Kuperga qarshi o‘yin bilan boshlaydi. Ayni vaqtda Kuper Suriyaga ustozlik qilmoqda.
13-yanvar
O‘zbekiston — Suriya
19-yanvar
Hindiston — O‘zbekiston
25-yanvar
Avstraliya — O‘zbekiston
Osiyo Kubogi guruh bosqichida dastlabki ikki o‘rinni olgan jamoa to‘g‘ridan to‘g‘ri nimchorak finalga yo‘l oladi. Shuningdek, eng yaxshi natijaga ega to‘rtta 3-o‘rin egasi ham 1/8 finalga yo‘llanma oladi.
O‘zbekiston B guruhida g‘olib chiqsa 1/8 finalda A, C yoki D guruhida 3-o‘rin olgan jamoaga qarshi o‘ynaydi. 2-o‘rinni oladigan bo‘lsa, F guruhida 2-o‘rinni olgan jamoaga to‘qnash keladi. 3-o‘rinni olib, bu natijani qayd etgan eng yaxshi to‘rtta terma jamoa safiga kirsa, u holda D guruhi yoki C guruhi g‘olibi bilan o‘ynaydi.
Osiyo Kubogi—2023 musobaqasi 2024-yilning 12-yanvaridan 10-fevraliga qadar Qatarda bo‘lib o‘tadi. Avvaliga ushbu musobaqa 2023-yilning iyun va iyul oylarida Xitoy o‘tishi rejalashtirilgandi. Biroq koronavirus pandemiyasi sabab Xitoy turnir mezbonligidan voz kechgandi.
