Vladimir Zelenskiy Rossiya rahbariyati o‘z ajali bilan o‘lmasligini aytdi

 Ukraina prezidenti Vladimir Zelenskiy BBC’ga bergan intervyusida Rossiya rahbariyati o‘z ajali bilan o‘lmasligini aytib o‘tdi.

“Kremldagilarning oqibati yomonlik bilan tugaydi, ishoning. Rostini aytsam bu qanday amalga oshishini bilmayman, lekin tezroq tugashini istardim. Ular, albatta, o‘z ajali bilan o‘lmaydi”, — dedi Zelenskiy.

Rossiya Federatsiyasi Xavfsizlik Kengashi raisi o‘rinbosari Dmitriy Medvedev Vladimir Zelenskiyning so‘zlariga javob qaytardi.

“Yashil kiyimdagi maxluq Kremldagi hammaga o‘lim tiladi. Ammo ular o‘z o‘limi bilan o‘lmas emish...

Kievdagi giyohvandning aynan o‘zini o‘zi o‘ldirishi uchun imkoniyat bor. Qo'rqoqlarcha o‘z joniga qasd qilish orqali. Xuddi zahar ichib o‘lgan Gitler kabi” — deb yozdi Medvedev.