Kamol Qilichdaro‘g‘li agar saylovda g‘alaba qozonsa, davlat rahbarining OAVda chiqishi bo‘yicha yangi tartib joriy qilishga va’da berdi

Turkiya muxolifatidan prezidentlikka nomzod Kamol Qilichdaro‘g‘li televideniyeda berayotgan intervyusi reklama tufayli to‘xtatilganidan so‘ng, agar saylovda g‘alaba qozonsa, davlat rahbari bir vaqtning o‘zida bir nechta OAVda chiqish qilish amaliyotiga chek qo‘yishga va’da berdi.

Amaldagi Prezident Rajab Toyyip Erdo‘g‘on Qilichdaro‘g‘li intervyusiga parallel ravishda birdaniga 14 ta ommaviy axborot vositasining jonli efirida savollarga javob berdi.

“Biz bu davlatni boshqaradigan bo‘lsak, turli telekanallarda bir xil kontentni hech qachon ko‘rmaysiz. Biz sizga demokratiyani va’da qilamiz”, — dedi Qilichdaro‘g‘li.