Eron va Rossiya global savdo yo‘lida Suvaysh kanaliga raqobat bo‘luvchi temiryo‘l quradi
Rossiya va Eron “Shimol-Janub” xalqaro transport koridorini amalga oshirish doirasida Eron temiryo‘l liniyasini moliyalashtirish va qurish bo‘yicha kelishuvni imzoladi. Bu haqda Reuters xabar berdi.
Shartnomani imzolash 17-may kuni videoaloqa orqali bo‘lib o‘tgan, marosimda Rossiya prezidenti Vladimir Putin va uning eronlik hamkasbi Ibrohim Raisiy ishtirok etgan.
Taʼkidlanishicha, Rasht-Astara temiryo‘li Hindiston, Eron, Rossiya, Ozarbayjon va boshqa mamlakatlarni temiryo‘l va dengiz orqali bog‘laydigan koridorning muhim bo‘g‘ini sifatida qaralmoqda. Rossiya rasmiylariga ko‘ra, u asosiy global savdo yo‘li sifatida Suvaysh kanaliga raqobat bo‘lishi mumkin.
Shuningdek, Kaspiy dengizi qirg‘oqlari bo‘ylab uzunligi 162 kilometr bo‘lgan ushbu temiryo‘l Boltiq dengizidagi Rossiya portlarini Hind okeani va Fors ko‘rfazidagi Eron portlari bilan bog‘laydi.
