Italiyadagi suv toshqinida 13 kishi halok bo‘ldi (foto)
Italiya shimolida suv toshqinlari oqibatida kamida 13 kishi halok bo‘ldi, 10 mingdan ortiq odam uyini tashlab ketdi. Bu haqda BBC xabar berdi.
Maʼlum qilinishicha, mamlakatda bir yarim kun ichida olti oylik yomg‘ir yog‘gan. Tabiiy ofat oqibatida 18,5 ming aholi elektr taʼminotidan uzilgan. Emiliya-Romanya hududida xavfning “qizil” darajasi saqlanib qolmoqda, aholi ko‘chki bo‘lishi mumkinligidan ogohlantirilmoqda.
Hududda allaqachon 280 dan ortiq ko‘chki sodir bo‘lgan, ulardan 120 tasi jiddiy oqibatlarga olib kelgan. Shuningdek, hudud ko‘chki bo‘lishi mumkin bo‘lgan 250 ta yo‘lni to‘sib qo‘ygan.
O‘t o‘chirish brigadalari suv toshqinidan zarar ko‘rgan mintaqa bo‘ylab 2 000 ta qutqaruv operatsiyasini o‘tkazgan. Qariyalar uylaridan qariyalar evakuatsiya qilingan. Baʼzilar tom tepasiga ko‘tarilganida vertolyotlar yordamida qutqarilgan.
