Rossiyada davlatlararo qidiruvdagi o‘zbekistonlik ayol ushlandi 

Sankt-Peterburgning Primorskiy tumanida qidiruvda bo‘lgan 58 yoshli O‘zbekiston fuqarosi qo‘lga olindi. Bu haqda 78.ru xabar berdi.

Ma’lum bo‘lishicha, ayol 21-may kuni kechki soat 7 larda Kolomyajskiy prospektida qo‘lga olingan. U 2020-yil avgust oyida do‘stining kvartirasini aldov yo‘li bilan 3500 dollarga sotib, pulni o‘z foydasiga o‘zlashtirib yuborgani uchun davlatlararo qidiruvda bo‘lgan.

Ta’kidlanishicha, ayblanuvchi 8-may kuni Andijon viloyati Ichki ishlar boshqarmasi tomonidan qidiruvga berilgan.