Samarqandda o‘quvchi boshqaruvidagi mashina 52 yoshli fuqaroni urib yubordi 

Samarqand shahrida 16-may kuni maktab o‘quvchisi boshqaruvidagi mashina 52 yoshli fuqaroni urib yubordi. Viloyat YHXB axborot xizmati holat yuzasidan ma’lumot berdi.

Ma’lum bo‘lishicha, shu kuni soat 21:30 da 2007-yilda tug‘ilgan maktab o‘quvchisi otasining mashinasini haydab chiqib, avtomobil yo‘lida 1971-yilda tug‘ilgan fuqaroni urib yuborib, transport hodisasi sodir etgan.

Yo‘l transport hodisasi oqibatida fuqaro tan jarohatlari olib Respublika shoshilinch tibbiy yordam ilmiy markaz Samarqand filialiga davolanish uchun yotqizilgan.  

Mazkur holat yuzasidan Samarqand shahri bo‘yicha ichki ishlar organi faoliyatini muvofiqlashtirish bo‘limi yo‘l harakati xavfsizligi bo‘limi tomonidan dastlabki surishtiruv ishlari olib borilmoqda.