Toshkentda yo‘lovchi avtobusi va ikki mashina ishtirokida YTH sodir bo‘ldi

Toshkent shahar Yakkasaroy tumanida yo‘lovchi avtobusi va ikki mashina o‘rtasida YTH sodir bo‘ldi. Bu haqda YHXB axborot xizmati xabar berdi. 

Unga ko‘ra, holat 26-may kuni soat 14:00 larda Yakkasaroy tumani Shota Rustaveli — Cho‘pon ota ko‘chalari kesishgan chorrahada sodir bo‘lgan. 1996-yilda tug‘ilgan M.S. boshqaruvida bo‘lgan Spark, 1998-yilda tug‘ilgan F.A. boshqaruvida bo‘lgan Nexia-3, 1981-yilda tug‘ilgan U.A. boshqaruvida bo‘lgan Kinglong avtobusi ishtirokida yo‘l transport hodisasi sodir bo‘lgan.

YTH natijasida Spark haydovchisi M.S. tan jarohatlari bilan shifoxonaga yotqizilgan. Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.