Ziroat Mirziyoyeva Nukusdagi Zamin Creative ijod studiyasiga tashrif buyurdi (foto)

Ziroat Mirziyoyeva Nukusdagi Ibroyim Yusupov nomidagi ijod maktabida ochilgan Zamin Creative ijod studiyasiga tashrif buyurdi. Bu haqda Zamin Foundation xabar berdi.

Ma’lum qilinishicha, yangi studiyaning tavallud kuniga bag‘ishlab Toshkentdagi Zamin Creative ishtirokchilari o‘ziga xos ijodiy “sovg‘a”larini tayyorlab borgan. “Yaqinda bu yerda sayyor mahorat saboqlari o‘tkazilgan edi. Ulardan ilhomlanib, bolalar o‘zlarining ilk ishlarini namoyish etdilar”, — deyiladi xabarda.

Nukusdagi ijod studiyasi uchta soha: media, dizayn va teatr sanʼatini qamrab oladi. Bu joy odamlar inklyuziv muhitda, professional pedagoglar rahbarligida o‘z ijodiy salohiyatini kashf etishlari mumkin bo‘lgan noyob maskandir.