Sirdaryoda harakatlanib ketayotgan avtobus yonib ketdi

Sirdaryo viloyati Mirzaobod tumanida harakatlanib ketayotgan avtobus yonib ketdi. Bu haqda viloyat FVB axborot xizmati xabar berdi.

Unga ko‘ra, holat 27-may kuni soat 17:45 da Mirzaobod tumani hududidagi Guliston-Gagarin yo‘nalishi 4-R 18 A-373 yo‘lining 10-kilometrida sodir bo‘lgan. Yong‘indan avtobusning dvigatel va salon qismi yongan. Hodisa joyiga 2 ta yong‘in-qutqaruv ekipajlari soat 17:52 da yetib borib, soat 18:02 da to‘liq o‘chirilgan.

Yong‘in natijasida insonlarning tan jarohati olishi va halok bo‘lish holatlari kuzatilmagan. Yong'in avtomobildagi elektr simlarining qisqa tutashuvi natijasida sodir bo‘lgan. Hozirda moddiy zarar miqdori aniqlanmoqda.