“Qarshi hujum Ukrainaga qimmatga tushishi mumkin” — Vladimir Zelenskiy

Ukraina prezidenti Vladimir Zelenskiy The Wall Street Journal nashriga bergan intervyusida bo‘lajak qarshi hujum butunlay boshqa ssenariylar bo‘yicha amalga oshirilishi mumkinligini aytdi.

“Bu qancha davom etishini bilmayman, — dedi Zelenskiy. — Rostini aytsam, qarshi hujum butunlay boshqacha kechishi mumkin. Lekin biz buni amalga oshirish niyatidamiz va biz tayyormiz”.  Zelenskiyning qo‘shimcha qilishicha, qarshi hujum Ukrainaga qimmatga tushishi mumkin.

Bundan tashqari, Zelenskiy agar Vilnyusdagi sammitda Kiyevga NATOga qabul qilinishga tayyorligi haqida signal berilmasa, Ukraina bu tadbirda ishtirok etmasligini taʼkidladi. “Agar Vilnyusda bizga signal berilmasa, Ukrainaning sammitda bo‘lishidan maʼno yo‘q, deb hisoblayman”, — dedi u.