UEFA Joze Mourinyoga nisbatan intizomiy ish ochdi 

Futbol bo‘yicha Yevropa Ligasi finalida “Roma” “Sevilya”ga qarshi bahs olib bordi va penaltilar seriyasida mag‘lub bo‘ldi.

Uchrashuvdan so‘ng rimliklar bosh murabbiyi Joze Mourinyo o‘yinni boshqarib borgan hakamlarga qarata haqoratli so‘zlar yog‘dirdi. UEFA bu harakatlar bo‘yicha portugaliyalik mutaxassisga nisbatan ish ochdi.

Mourinyo angliyalik hakamga qarata: “Qanday sharmandalik, sizlarga uyat” deya baqirgan.

Matbuot anjumanida esa Mourinyo hakamlarni “ispaniyalik” deya atadi va: “O‘ylaymanki, bugungi ahmoqona ishlarni bajargan hakam Chempionlar Ligasida qoladi va Yevropa Ligasini tinch qo‘yadi”, — deya gapirib o‘tgan.

UEFA Jozega nisbatan intizomiy ish ochdi.