Estoniya agar Rossiya tahdidi yuzaga kelsa, NATO yordam berishiga umid qilmoqda

Estoniya Rossiyadan tahdid kelayotganining dastlabki belgilarini ko‘rgan zahoti NATO mamlakatdagi qo‘shinlarini kuchaytirishni xohlaydi. Bu haqida Estoniya mudofaa kuchlari qo‘mondoni general Martin Xerem ma’lum qildi.

Avvalroq Estoniya tashqi razvedka departamenti Rossiya harbiylarining 2023-yilda Estoniyaga hujum qilishi ehtimoli kam ekani, biroq kelgusida mamlakat uchun xavfsizlik xatarlari sezilarli darajada oshganini bildirgan edi.

“Bizga Rossiya tajovuzkorligi boshlanganda emas, balki birinchi alomatlar va tahdidlarni payqagan zahotimiz yordam kerak bo‘ladi”, — dedi Xerem Washington Post gazetasiga bergan intervyusida.