Ukraina Yevropadan elektr energiyasi yetkazib berishni oshirishni so‘radi

Ukraina energetika vaziri German Galushchenko Rossiyaning Ukrainaning muhim infratuzilmasiga qarshi zarbalari fonida Yevropadan elektr energiyasi yetkazib berishni sezilarli darajada oshirishni so‘radi.

“Biz Yevropadan (elektr energiyasi yetkazib berishni) ko‘paytirishni so‘rayapmiz”, — dedi ukrainalik amaldor Frans Press agentligiga bergan intervyusida.

Ukraina rasmiysiga ko‘ra, Kiyevda ikki gigavattgacha elektr energiyasiga ehtiyoj bor.

Rossiya Qurolli kuchlarining Ukraina infratuzilmasiga hujumlari 2022-yil 10-oktabrda Qrim ko‘prigida sodir etilgan portlashdan ikki kun o‘tib boshlangan.

Zarbalar butun mamlakat bo‘ylab energetika, mudofaa sanoati, harbiy qo‘mondonlik va aloqa obyektlariga berilgan. O‘shandan beri Ukraina hududlarida har kuni, ba’zan butun mamlakat bo‘ylab havo hujumi haqida ogohlantirishlar e’lon qilinadi.