Qirollik tartib-qoidalariga rioya qilmay, o‘zi xohlagandek yashaydigan dunyoning eng jozibali malikalari (foto)

Ma’lum bo‘lishicha, monarxiya a’zolari oilasi farovonligi uchun jonini berishga majbur, degan fikr noto‘g‘ri bo‘lib chiqdi. Siz taxt vorisi unvoniga ega bo‘lgan holda ham o‘z tartib-qoidalaringiz bilan yashashingiz mumkin.

Viktoriya de Marchilar

Ispaniya qiroli Felipe va qirolicha Letisiyaning 22 yoshli jiyani haqiqiy moda timsolidir. Viktoriya Sasseksdagi nufuzli maktabni tugatib, Madridda o‘qishni davom ettirdi, u yerda biznesni boshqarish bo‘yicha tahsil oldi, shu bilan birga moda sanoatida karyerasini rivojlantirdi. Shunday qilib, Viktoriya Parijdagi moda haftaligida ishtirok etib, mehmonlari bilan suratga tushdi va jahon yulduzlari bilan suhbatlashdi. Merosxo‘r Elle va Hello kabi taniqli nashrlarning muqovalarini ham bezagan. 2019-yildan beri qiz ispaniyalik dijey Xorxe Barsenas bilan birga Madriddagi kvartirasida yashashi ma'lum.

Malika Olimpiya

Gretsiyada monarxiya bir necha o‘n yillar oldin bekor qilingan, ammo qirollik oilasi hanuzgacha unvonlaridan foydalanishda davom etmoqda, ular orasida 26 yoshli malika Olimpiya ham bor. Qiz, shuningdek, qirol Charlz III ning cho‘qintirilgan qizi bo‘lib, Chelsida katta bo‘lgan. Malika modellar Kara va Poppi Delevin, qo‘shiqchi Izabel Getti va opa-singil Xiltonlar bilan do‘st. Olimpiya jahon brendlari, jumladan Tiffany, Bulgari va Dolce & Gabbana bilan hamkorlik qiladi, ularni ijtimoiy tarmoqlarda reklama bilan ta'minlaydi va moda namoyishlarida qatnashadi. Bundan tashqari, malika mediaimperiya merosxo‘ri va 224 million funt sterling miqdoridagi boylikka ega bo‘lgan Peregrin Pirson bilan munosabatda ekanligi ma'lum.

Sharlotta Kaziragi

Sharlotta buvisi — Monako malikasi Greys Kelli orqali boy nasl-nasabga ega, ammo taxtga vorislar ro‘yxatida11-o‘rinda turadi. Biroq qiz bundan xafa emas. Sharlotta o‘zini omma e’tiboridan chetda tutishga intiladi, faqat Monako kuni va yillik Atirgullar bali kabi yirik tadbirlarda qatnashadi xolos. Shuningdek, qiz fransuz kino prodyuseri Dmitriy Rassamga turmushga chiqqani, u bilan o‘g‘li Baltazarni tarbiyalayotgani va hozirda u uchinchi farzandiga homilador ekanligi ma’lum.

Malika Mafalda

Mafalda Bolgariya shahzodasi Kirill va ispan modeli Rosario Nadalning qizi bo‘lib, u uzoq vaqtdan beri Valentino modalar uyining yuzi bo‘lib kelgan. Malika Londonda akasi va singlisi Tassilo va Olimpiya bilan birga o‘qigan, keyinchalik AQSHdagi universitetda o‘qishni davom ettirgan. Mafalda britaniyalik moliyachi Mark Abusleyman bilan munosabatda, shuningdek, modellik ishlari va qo‘shiq yozishni yaxshi ko‘radi.