Rossiya Baxmutda har 48 sm yer evaziga bir nafar askaridan ayrilgan — Britaniya Mudofaa vazirligi
2022-yilning may oyidan beri Rossiya qo‘shinlarining Baxmutga hujumi oqibatida 60 mingdan ortiq odam halok bo‘ldi yoki yaralandi, deb xabar bermoqda Buyuk Britaniya Mudofaa vazirligi o‘zining Twitter’dagi sahifasida e’lon qilingan videoda.
Vazirlik maʼlumotlariga ko‘ra, Rossiya qo‘shinlari Baxmut yo‘nalishida 29 kilometrga yaqin ilgarilagan. Bu esa egallangan har 48 santimetr yer uchun bir nafar rus askari o‘ldirilgani yoki yarador bo‘lganini anglatadi, deyiladi rolikda.
In February 2022, Russia likely planned to complete the capture of the whole of the Donbas region within 10-14 days.
— Ministry of Defence 🇬🇧 (@DefenceHQ) June 11, 2023
But in Bakhmut, for every 48cm gained, one of its soldiers has been killed or wounded.
Ukraine fights on.
🇺🇦 #WeStandWithUkraine 🇺🇦 pic.twitter.com/zELnJJwqXN
2022-yilning fevral oyida Rossiya 10-14 kun ichida butun Donbasni egallab olishni rejalashtirgan edi. Ammo Baxmutda qo‘lga kiritilgan har 48 santimetr yer evaziga bir nafar rus askari halok bo‘ldi yoki yaralandi. Ukraina kurashni davom ettirmoqda.
May oyining oxirida, Baxmut qo‘lga kiritilgandan so‘ng, “Vagner” xususiy harbiy kompaniyasi jangchilari shaharni tark etib, o‘rnini oddiy bo‘linmalarga bo‘shatib berdi. Iyun oyi boshida Ukraina Mudofaa vazirligi vakillari Ukraina Qurolli kuchlari Baxmut yaqinida hujumga o‘tgani va bir nechta hududlarda oldinga siljiganini aytishdi. CNN yozishicha, Ukraina harbiylari Baxmut hududida Rossiya mudofaa chizig‘ini yorib o‘tishga urinish davomida kutilganidan ko‘ra ko‘proq qarshilikka duch kelgan hamda ko‘plab shaxsiy tarkib va texnikalaridan ayrilgan.
“Vagner” asoschisi Yevgeniy Prigojin may oyida harbiy kompaniya tomonidan yollangan 10 ming sobiq mahbus Baxmut uchun janglarda halok bo‘lganini ma’lum qilgandi. AQSH prezidenti Jo Bayden Baxmut uchun janglarda Rossiyaning yo‘qotishlarini 100 mingga yaqin odam, deb baholagan.
