Zelenskiy Rossiya asirligidan qaytishga muvaffaq bo‘lgan ukrainaliklar sonini aytdi

Rossiya bosqini boshlanganidan beri va bugungi kunga qadar 2526 nafar Ukraina fuqarosi asirlikdan qaytarildi. Bu haqda Ukraina prezidenti Vladimir Zelenskiy ma’lumot berdi.

Xususan, 11-iyun kuni yana 95 nafar ukrainalik harbiy vataniga qaytishga muvaffaq bo‘ldi. 

“Odamlarimizni har safar Rossiya asirligidan qaytarganimizda, asosiy maqsadni eslaymiz: ukrainaga tegishli insonlarni va narsalarni dushmanga qoldirmaymiz. Kecha yana 95 nafar yigitimizni, askarlarimizni asirlikdan qaytardik. Umuman olganda, o‘tgan yilning 24-fevralidan beri 2526 nafar ukrainalik asirlikdan qaytarildi”, — dedi Zelenskiy.

U asirlar almashinuvi bilan shug‘ullanuvchi butun jamoaga minnatdorlik bildirdi.

“Biz hammani eslaymiz, har bir harbiyni izlayapmiz, hammani qaytarishimiz kerak va bunga erishamiz”, — taʼkidladi Zelenskiy.