Rossiyada harbiy xizmatga chaqirilganlarning “zagran” pasporti olib qo‘yiladi
Rossiyada harbiy xizmatga chaqiruv olgani sababli xorijga chiqishi taqiqlangan rossiyaliklarning pasportlari olib qo‘yiladi. Bu haqda Forbes xabar berdi.
Rossiya prezidenti Vladimir Putin tegishli qonunni imzoladi. Unga ko‘ra, muddatli harbiy xizmatga chaqirilishi kerak bo‘lgan va harbiy ro‘yxatga olish komissiyasining chaqiruv qog‘ozini olgan shaxs Rossiyadan chiqishni cheklash to‘g‘risidagi qarorni olgan kundan boshlab besh ish kuni ichida “zagran” pasportini tegishli organga topshirishi shart.
O‘z navbatida Kreml veb-saytida “‘Rossiyadan chiqish va kirish tartibi to‘g‘risida’ Federal qonuniga o‘zgartishlar kiritish to‘g‘risida”gi federal qonun Davlat Dumasi tomonidan 2023-yil 23-mayda qabul qilingan va Federatsiya Kengashi tomonidan 2023-yil 7-iyunda tasdiqlangan.
Federal qonun rasmiy e’lon qilingan kundan boshlab 180 kun o‘tgach kuchga kirishi ko‘zda tutilgan.
