Ilon Mask nega Twitter uchun juda ko‘p pul to‘laganini tushuntirdi

Amerikalik tadbirkor Tesla va Space X asoschisi Ilon Mask (Forbes uning boyligini 236,9 milliard dollarga baholaydi) Twitter’ni sotib olish bo‘yicha kelishuv qimmat bo‘lganini tan oldi. Biroq u ijtimoiy tarmoqning muxlisi bo‘lgani va “u negativ yo‘nalishda harakatlanayotgani” uchun bunga qo‘l urganini aytdi. Bu haqda u Parijdagi texnologik anjumanda ma’lum qildi, deb xabar beradi Business Insider.

“Agar men shunaqa aqlli bo‘lsam, nega Twitter uchun shuncha ko‘p pul to‘ladimi?” — dedi u.

Maskning aytishicha, u Twitter “sivilizatsiyaga va fuqarolik jamiyatiga halokatli ta’sir ko‘rsatayotganini” his qilgan.

“Sivilizatsiyaga putur etkazadigan har qanday narsa, mening fikrimcha, yaxshi emas”, — deya qo‘shimcha qildi tadbirkor.

“Ijtimoiy tarmoq mening nazoratim ostiga o‘tganidan beri u 'tozalandi', — deb ta’kidlaydi Mask. — Biz 90% botlardan, firibgarlardan va sodir bo‘layotgan turli yomon narsalardan xalos bo‘ldik. Biz Twitter’da bolalarni ekspluatatsiya qilish haqidagi 95% kontentdan xalos bo‘ldik”.

Ma'lumot uchun, Ilon Mask  o‘tgan yilning kuzida Twitter’ni 44 milliard dollarga sotib olgan. Shundan so‘ng u ijtimoiy tarmoqda bir qator o‘zgarishlarni amalga oshirdi. Jumladan, foydalanuvchilarga ko‘proq funksiyalarni taqdim etadigan pulli obunani talab qiladigan Twitter Blue’ni yo‘lga qo‘ydi.